صور الصفحة
PDF
النشر الإلكتروني

10

aparin

aucuns criminels condamnés à mort ou autres peines et supplices corporels ne fussent dès - lors en avant menés ou conduits pour souffrir lesdictes peines ou supplices corporels, et ne les passassent, les executeurs de nostre justice, par ledit bourg monseigneur Sainct-Hilaire; ains les passassent, conduisissent et menassent par autres lieux touchans les murailles et ailleurs où il en a, plusieurs desquels privileges iceulx supplians ont joy par bien long temps et de tel temps et d'ancienneté qu'il n'est memoire du contraire, et jusques puis aucun temps en ça que nos officiers audict Poictiers les troublerent et empescherent en ce, pour laquelle cause iceulx supplians se trahirent par devers feu Thibault de Raviac , lors seneschal dudict Poictou, qui fut deur cents seize ans a ou environ , lequel après ce qu'il fut informé desdicts privilèges, et joissance sur ce, par lesdicts supplians, dict et ordonna, par sa sentence judiciaire, le conte dudict conté de Poictou lors present que des-lors en avant lesdits criminels et condamnés auxdicts supplices corporels seraient condaits, passez et menez auxdicts supplices, par le chemin bas ou voye par depoubz de l'église Sainct-Grégoire, qui est pres des murailles de ladicte ville et non par la grant rue dudict bourg ainsi appartenant auxdicts supplians, au moyen de laquelle sentence et condamnation lesdicts supplians ont joy par long temps dudict privilege et jusques à puis aucun temps en ça que nos officiers audict Poictiers ont aucune fois fait passer par ledit bourg lesdits criminels et condamnés et fait faire des exécutions criminelles en icelui, en venant directement contre lesdicts privileges et sentences ainsi donnés et octroiés au proufit desdicts supplians, au moyen desquels exploix iceulx supplians se sont portés pour appellaos en maintes nianières, et leurs appellations ont relevées, ou les aucunes d'icelles en notre court de parlement à Paris où elles sont demeurées indécises, soubz umbre de ce q que lesdicts

supplians ont perdu ou adiré leursdicts privileges et sentence ainsi par eulx obtenus et avecques ce sont cependant demeurés empeschés en la joissance d'iceulx au grant détriment et prejune leur estait sur ce impartie notre grace et provision convenables ainsi qu'ils nous ont fait dire et remonstrer requerir humblement iceulx.

Pourquoi nous ces choses considérées à iceulx supplians pour les causes et considerations devant dictes, et aussi pour la singu. lière devocion et affection que avons à ladicte cglise monseigneur

nous

Sainct Hilaire, de laquelle nous sommes chief et abbé (i), et audict glorieux corps sainct et autres reposans en icelle, et aussi audict grand, bel et notable service divin qui y est fait, entretrenu et continue chacun jour, avons octroyé et octroyons de grâce spéciale, par ces présentes , voulons et nous plaist qu'ils joissent desdicts privileges et seotence, et du contenu en iceulx en la maniere devant dicte sans ce que ores , ne pour le temps avepir, on leur puisse faire mectre ou donner aucun destourbier ou empeschement au contraire, ne que doresnavant aucuns de nos officiers audict Poitiers, ne autres quelconques, puissent passer ou faire passer ou mener, faire mener et conduire aucuns desdicts criminels ou condamnés auxdicts supplices ou peines corporelles par ladite grand rue dudit bourg, ne qu'ils y puissent faire aucunes exécutions criminelles en quelque manière ne pour quelconque cause que ce soit , aios en tant que inestier est ou serait, leur avons de rechief, de nouvel et d'abondant, donné et octroyé, donné et octroyous ledit privilege de nostre grâce spéciale, pleine puissance et auctorité royale par ces dictes présentes, et voulons que eulx et leurs successeurs en joissent à tousjours , mais paisiblement, sans aucune dificulté au contraire; et afin que ce soit ehose ferme et estable à toujours, nous avons faict mectre nostre scel à ces dictes presentes sauf toustesvoyes en autres choses nostre droict et l'autruy en toutes.

No. 263.
Lettres pour la création de marguilliers dans

une église. Thouars, janvier 1481. (Vol. 3 des ordon. de Louis XI, coté G, fol. 83.)

Lors, etc. A tous presens et à venir salut. Comme par cy-devant nous avons fait fondé, donné,legué et aumosné à l'eglise du Puy notre dame en Anjou ou diocese dePoictiers plusieurs beaulx dons d'or, d'argent, droits, devoirs, privileges, libertés, prerogatives, rentes, proufils, revenus et emolumens pour le soustenement, augmentation et accroissement du divin service fait, dit et célébré en ladite eglise par certain nombre de gens d'eglise que nous y avons pour ce dès long temps ordonnés et establis et jusques à present Dieu nostre créateur et la tres benoiste et très glorieuse Vierge Marie sa mere

(1) Ceci est remarquable, Hugues Capet était abbé de Saint-Martin de Tours, (Isambert.)

y ont été tres glorieusement et devotement servis, loués et honorés à l'exaltation et louange de nostre loy et de la foy catholique pour lesquels biensfais ainsi que croions nostredict createur à l'intercession de sa benoiste mère nous a toujours defenduz, preservez et gardez de maintes oppressions, machinations, entreprinses et conspirations fais et pourchassez contre nous et la chose publique de nostre royaume, en telle maniere que nos besoignes et affaires se sont tres bien et grandement entretenus, portés et soutenus au bien, prouffit et utilité de nostredict royaume, païs et seigneuries, et à l'expulsion , deboutement et desconfiture de nos ennemys rebelles et adversaires, et tellement que nosdicts royaume, païs et seigneuries ont este et encores sont preservés, demourés et conservés en leur entier soubz nous en nostre vraye et entiere obeissance, et iceulx acrus et augmentés de toutes pars, quelques guerres, divisions, troubles ou controverses qui aienteu cours en icelui nostre royaume, et nous souventes fois parvenus à bonne santé, prosperité et convalescence d'aucunes grandes et tres griefves maladies et accidens qui nous sont survenus ; pour remembrance desquelles choses et pour icelles plus amplement recongnoistre et plus avant de bien en mieulx nous acquiter envers nostredict créateur et la benoiste dame sa mere des grans biens, preservations, garde, tuitions et defenses à nous fais de nostre prosperité et santé et de nostre tres chier et tres amé fils le dauphin de Viennois, où l'avons toujours de tout nostre cueur et entendement remembré, voué et presenté, reduisans à memoire et reprenans en nostre couraige la tres singuliere et fervente devocion que nous avons de tout temps eu, encore avons et aurons tant qu'il plaira à Dieu nous donner vie en ce monde, audict lieu, place et eglise du Puy-Nostre-Dame, pour amour de nostre benoist sauveur-Jesus Christ et en l'onneur et reverence de ladite benoiste dame sa mere et des benoists saincts et sainctes du paradis, et mesme des tres glorieux saincts monseigneur saint Denis, saint Georges, saint Christophe, saint Blaise et saint Gilles, et aussi des glorieuses vierges et martires saincte Katherine, saincte Marguerite et Marthe, saincte Cristine et saincte Barbe, et afin que Dieu, nostre redempteur, ladicte tres glorieuse dame sa mere et lesdicts benoist saints et saintes nous soient toujours plus secourables, propiciables et aydables au salut de nostre ame, à la prosperité et santé de nous, de nostredict fils, et à la protection, garde, tuition et defense de nostredit royaume, et à la paix, tranquillité et union d'icelui, aions voulu ordonné, et

[graphic]

declairé et disposé faire, dire, chanter et celebrer doresnavant perpetuellement et à toujours aucun grant notable et solemnel service divin et autres biens et cuvres meritoires et salutaires à Dieu plaisantes et agreables, en ladicte eglise du Puy nostre Dame et pour ce faire y ordonner, commettre et establir gens d'eglise en nombre honorable et competant et de ce en faire et eriger perpetuelle fondation. .

Scavoir faisons que nous, les choses dessusdites considérées, desirans de tout nostre coeur, volonté et pensement faire et accomplir ladicte fondation en maniere quelle soit perpetuellement entretenue sans aucune rompture oudiscontinuation, nous , pour ces causes et considérations et autres bon pes et justes raisons à ce nous mouvans, avons fait, voulu, estably et ordonné, et de nostre certaine science, propre mouvement, grace especiale, plaine puissance et auctorité royale, faisons, voulons, establissons et ordonnons ung corps et colleige de gens d'eglise seculiers en ladicte eglise du Puy nostre Dame, en la forme et maniere qui s'ensuit.

C'est à scavoir, que en ladicle eglise du Puy nostre Dame y aura dès à present et doresnavant, treize chanoines, tous estans en l'estat et ordre de prestrise, treize vicaires et ung maistre et six enfans de cueur. Desquels treize chanoines y aura un doien, soubz doien et chantre qui porteront tels et semblables habits que ont accoustume de porter les tresoriers, chantre et chanoines, et aussi les vicaires de la sainte chapelle de nostre palais à Paris. Et seront tenus assister chacun jour au service divin qui sera dit, chanté et celébré en ladile eglise en la maniere que nous avons ordonné estre fait, et dont cy après sera faicte mention.

Item. Voulons et ordonnons que le don, collation, provision et disposition dudit dojenné et aussi soubz doienné et chanteric ensemble desdicts chanoines et prebendes quant ils vaqueront par mort, privation, resignation simple ou permutation, appartiennent à nous et à nos successeurs roys de France, de plain droit, soubz le bon plaisir et consentement de nostre saint pere le Pape ou autre aiant à ce puissance, et aux doienné, soubz doienné, chanterie, chanoines, vicaires , maistres et enfans de cueur avons nonmé, pourveu et ordonné des personnes qui s'eusuivent.

C'est asçavoir que maistre Jourdain du Peyrac å present euré de ladite Eglise de Nostre-Dame du Puy, soit chanoine et doien d'icelle Eglise, nonobstant qu'il en soit curé, sans ce que ledict

doienne soit annexé à ladicte cure ne icelle cure annexée audit doienné, mais après son trespas sera ladite cure ung benefice à part, et ledit doienné ung autre aussi à part, et se donnera et confererà ladite cure par celui ou ceulx à qui ou auxquels dèsà-present en appartient ou appartiendra la collation, et ledit doienné par nous et nos successeurs roys de France et sans ce que ledit curé qui sera pour le temps à venir preigne pour raison de sadicte cure aueun profit où emolument en ceste presente fondation, et au soubz doienne avons nommé et nommons monsicur Jehan Ponterin, à la chanlerie monsieur Jehau Boileau , aux chanoines et prebendes monsieur Jehan du Ro qui s'appellera chanoine de saint Denis, Pierre Papet prestre chanoine de saint George, Gilles Rigri chanoine de saint Christofle, Pierre Royer chanoine de saint Blaise, Jehan Baillandier chanoine de saint Gilles, Guillaume Duboys chanoine de sainte Katherine, Maurice Menart chanoine de sainte Marguerite,Jehan Pingnon chanoine de sainte Marthe, Nicolas Gaulteron chanoine de sainte Cristine, Jehan Baupin chanoine de sainte barbe, tous prestres; et lesquels doien, soubz doien, chantre, chanoines et vicaires se diviseront en deux parties et chaises de ladite Eglise , et seront en nombre autant d'un costé que d'autre, et tant ez haultes chaises que ez basses, le plus également que faire se ponrra, pour plus honnorablement et convenablement faire le divin servide; et seront les dignités et chanoinés ez hauilles chaises, et les vicaires ez basses chaises, et lesdicts doien, soubz doien, chantre et chanoines et chacun d'eulx nous voulons estre dits tenus, nommés et reputés pour tels tenir, exercer et desservir lesdictes dignités et chanoines,et d'icelles joyr et user dès-à-present, paisiblement, sans ce qu'il leur soit besoin ne å auicun d'eulx prendre ou avoir autres lettres, collations, ni titres de nous, fors tant seulement ces presentes. Et au regard desdicts treize vicaires nous voulons et or donnons que ledict doien pour ceste premiere foys y puisse nommer et instituer vicaires soufisans et ydoines, selon Dieu et conscience, ef mesmement ceulx qui long-temps ont fait le service divin en ladicte Eglise, pour le salut, santé et prosperité de nous et de nostredict fils ; et quant il adviendra que ceulx qui auront esté ainsi nommés par ledict doien iront de vie à trespas, ou par autre moyen vaqueront lesdicts vicaires, nous voulons que la nomination et presentation de chacune vicairie qui vaquera, appartiengne à chacune desdicles dignités et chanoines, et la collation et institution d'icelles aux dicts doien et chapi

« السابقةمتابعة »